ՀԱՅՏԱՐԱՐՈՒԹՅՈՒՆ ԾՐԱԳՐԻ ՕԳՆԱԿԱՆԻ ԹԱՓՈՒՐ ԱՇԽԱՏԱՏԵՂԻ ՀԱՄԱՐ

«Խաղաղության երկխոսություն» հասարակական կազմակերպությունը աշխատանքի է հրավիրում ծրագրի օգնականի։

• Աշխատավայրը` ք. Վանաձոր, «Խաղաղության երկխոսություն» հկ, փ․ Մյասնիկյան 12/40
• Հաստիքի անվանումը` ծրագրի օգնական
• Դիմելու վերջնաժամկետը` 2023 թ.-ի մարտի 10
• Աշխատանքի սկիզբը` 2023 թ.-ի մարտի 15 (1 ամիս փորձաշրջանով)
• Աշխատավարձը` պայմանագրային
• Աշխատանքային ժամերը` համաձայնեցման ենթակա
• Աշխատանքի տևողությունը` 1 տարի (երկարաձգման հնարավորությամբ)

Հաստիքի նկարագրություն

Կազմակերպության ծրագրային թիմի կողմից իրականացվող կազմակերպչական, ֆինանսական և բովանդակային աշխատանքներին աջակցություն, ծրագրերի տեսանելիության ապահովում:

Աշխատանքային պարտականություններ

Աջակցել ծրագրերի համակարգողներին հետևյալ գործողություններն իրականացնելիս.

• ծրագրային հաշվետվության կազմում (այդ թվում` ֆինանսական),
• ծրագրային փաստաթղթերի էլեկտրոնային և թղթային տարբերակների արխիվացում,
• տեղական և արտագնա միջոցառումների կազմակերպում,
• հաղորդակցության ապահովում,
• թարգմանությունների իրականացում (հայերեն <> անգլերեն),
• կազմակերպության կայքէջի նյութերի նախապատրաստում:
  

Անհրաժեշտ որակավորում

• անգլերենի և հայերենի գերազանց իմացություն (ռուսերենի իմացությունը ևս ցանկալի է)
• հետազոտական և վերլուծական հմտություններ
• քննադատական մտածողություն
• թիմային աշխատանքի կարողություն
• գրավոր և բանավոր հաղորդակցման հմտություններ
• նախաձեռնողականություն
• աշխատանքի մանրամասներին ուշադրություն դարձնելու ունակություն

«Խաղաղության երկխոսությունը» առանձնապես կարևորում է հետևյալ հատկանիշները․

• հարգանք մարդու իրավունքների, բազմազանության, տարբեր մշակույթների և կրոնների նկատմամբ,
• սովորելու մեծ ցանկություն,
• պատասխանատվության բարձր զգացում,
• նոր միջավայրին և փոփոխություններին հարմարվելու պատրաստակամություն։

Դիմելու ընթացակարգ

Ցանկացողները կարող են մինչև ս.թ. մարտի 10-ը ուղարկել ինքնակենսագրական և մոտիվացիոն նամակ [email protected] էլ.հասցեին՝ վերնագրում (subject line) պարտադիր նշելով հաստիքի անվանումը՝ «Ծրագրի օգնական»։

Տեղեկացնում ենք, որ ԽԵ-ն կապ կհաստատի միայն հարցազրույցի փուլ անցած մասնակիցների հետ։

«Խաղաղության երկխոսությունը» ոչ կրոնական, ոչ քաղաքական, իրավապաշտպան, խաղաղասիրական հասարակական կազմակերպություն է: Հիմնադրվել է 2009թ.-ին Հայաստանում:

Կազմակերպությունը միավորում է Արևելյան գործընկերության երկներում, Ռուսաստանի Դաշնությունում և Եվրոպայում մարդու իրավունքների պաշտպանության ոլորտում գործող փորձառու իրավապաշտպաններին ու խաղաղության կառուցման ուղղությամբ գործունեություն ծավալող ակտիվիստներին՝ մարդու իրավունքների պաշտպանության և հակամարտությունների խաղաղ կարգավորման նպատակով։

Ավելին՝  Մեր մասին բաժնում։